Søk om gåve til allmennnyttig formål

Ved gåvetildelingar, skal Stiftinga først og fremst ta omsyn til det distriktet som har bygd opp kapitalen i tidlegare Tysnes Sparebank.
Vi vil aktivt samarbeide med dei andre bidragsytarane i Tysnessamfunnet, og særleg med Haugesund Sparebank og Tysnes Kraftlag.
Søknader vil bli koordinerte mellom oss, og samla tildeling av midlar skal i prinsippet ikkje overskride 50% av det totale budsjettet for tiltaket.

Lag, foreiningar, stiftingar og frivillige organisasjonar er hovudmålgruppa for gåvetildelinga, i tillegg til einskildpersonar innanfor kulturformidling, utdanning og talent.

Kommersielle aktørar kan søkja innanfor prioriterte føremål dersom midlane utløyser vesentleg eigeninnsats, og at gåva går til sluttbrukar for allmenn nytte.

Ved søknader frå offentleg sektor, kan stiftinga støtta nyskapande tiltak som elles ikkje ville blitt realiserte, og der gåva utløyser vesentlege offentlege midlar til prosjektet.

• Investeringar, tiltak og prosjekt med varig verdi som kjem mange i lokalsamfunnet til nytte
• Prosjekt som bidreg til å skape engasjement og inspirerer til dugnadsvilje.
• Prosjekt som bidreg til å realisera idear og utløyser gode krefter lokalt.
• Tiltak som er eigna til å auka trivselen og gjera lokalsamfunnet meir attraktivt å bu i og/eller flytte til.

Det ein søkjer støtte til, skal vera konkrete tiltak og med klårt uttrykt mål.
Gjennomføringsplanen skal ha definert startdato og ferdigstillings-dato.

Det vil i utgangspunktet ikkje bli gjeve støtte til søknader frå:

• Lukka medlemsorganisasjonar
• Politiske parti

Det vil i utgangspunktet ikkje bli gjeve støtte til søknader som:

• Reine driftstilskot som løn, husleige og andre driftskostnader

Unntak kan gjerast der stiftinga bidreg i samarbeid med andre, samt har eit tydeleg allmennyttig føremål.

• Ferdigstilte prosjekter
• Tiltak som er utanfor det geografiske området til tidlegare Tysnes Sparebank.

Sparebankstiftinga har ikkje høve til å delta med sponsormidlar, med krav om gjenyting.